Մեր մասին

«Սքոլաե Մունդի Արմենիա» բարեգործական հիմնադրամի ծրագիր Դիլիջանի համայնքային կենտրոնը (ԴՀԿ) ստեղծվել է Դիլիջանի երիտասարդական կենտրոնի հիման վրա, որը հիմնադրվել է 2014թ.-ին՝ բարերարներ Ռուբեն Վարդանյանի և Վերոնիկա Զոնաբենդի կողմից: Երիտասարդական կենտրոնի հիմնադրման նպատակն էր ծառայել որպես հարթակ՝ UWC Դիլիջանի միջազգային ուսանողների և Դիլիջան համայնքի երիտասարդների համագործակցության համար։

Տարիների ընթացքում Երիտասարդական կենտրոնը, ընդլայնելով իր գործունեության շրջանակը, վերածվեց համայնքային կենտրոնի՝ իրականացնելով բազմաթիվ կրթական և ժամանցային ծրագրեր, կարողությունների զարգացման դասընթացներ, մշակութային միջոցառումներ՝ համայնքի կողմից՝ համայնքի համար: Այս տարիների մեր աշխատանքի արդյունքում ԴՀԿ-ն դարձել է համայնքի բնակիչների համար կարեւոր նշանակություն ունեցող կառույց։

2020թ․-ի հունիսին Դիլիջանի համայնքային կենտրոնը գրանցվել է որպես «Դիլիջանի համայնքային կենտրոն» հասարակական կազմակերպություն (ՀԿ), որի հիմնադիր անդամներն են «Սքոլաե Մունդի Արմենիա» բարեգործական հիմնադրամը, «Հայաստանի Զարգացման Նախաձեռնություններ» բարեգործական հիմնադրամը, Դիլիջանի միջազգային դպրոցը (UWC Dilijan International School)։

2020թ․-ի հուլիսին Դիլիջանի համայնքային կենտրոնը համալրեց «Դի -Վի-Վի Ինթերնեյշնալ»-ի հայաստանյան գրասենյակի կողմից ձևավորված ՄԵԾԱՀԱՍԱԿՆԵՐԻ ԿՐԹՈՒԹՅԱՆ ԿԵՆՏՐՈՆՆԵՐԻ ՑԱՆՑԸ։

Արդյունքում ԴՀԿ-ն օգոստոս-նոյեմբեր ամիսներին իրականացրեց «Հզորացնել համայնքները» ծրագիրը, որի նպատակն էր Դիլիջան համայնքի գործազուրկների շրջանում զարգացնել անհրաժեշտ փափուկ հմտություններ, ստեղծարար մտածողություն եւ խրախուսել ցկյանս ուսուցումը՝ աշխատաշուկայում մրցունակ լինելու, սեփական բիզնես գաղափարները զարգացնելու և կյանքի կոչելու համար։

2021թ․-ի հունվարին արդեն ԴՀԿ-ն դարձավ «Դի -Վի-Վի Ինթերնեյշնալ»-ի հայաստանյան գրասենյակի չորրորդ կենտրոնը՝ հայտնելով իր պատրաստակամությունը համագործակցելու մեծահասակների ոչ ֆորմալ կրթության ոլորտում։ ԴՀԿ-ն կիսում է «Դի -Վի-Վի Ինթերնեյշնալ»-ի այն համոզմունքը, որ մեծահասակների ոչ ֆորմալ կրթությունը խթանում է մարդկանց մասնակցությունը մշակութային, սոցիալական և տնտեսական գործընթացներին, ինչպես նաև կայուն զարգացմանը ու աղքատության նվազեցման գործընթացներին։

«Դիլիջանի համայնքային կենտրոն» ՀԿ-ի գործունեության չորս հիմնական ուղղություններն են՝

Ոչ ֆորմալ կրթություն

Համայնքային հզորացում

Մշակույթ

Սպորտ

Ղեկավար անձնակազմ

Արմինե Հովհաննիսյան

Նախագահ

Թագուհի Խառատյան

Ծրագրերի ղեկավար

Գայանե Խաչատրյան

Ծրագրերի համակարգող

Ստելլա Մկրտչյան

«Հայաստանի Մեծահասակների կրթության կենտրոնների համակարգային զարգացում» ծրագրի համակարգող

Դասընթացավարներ և կամավորներ

Լուսինե Գալստյան

«Լուսէ» երգչախմբի խմբավար

Մարգարիտ Ոսկանյան

«Լուսէ» երգչախմբի նվագակցող

Արթուր Գրիգորյան

«Նազանի» պարային համույթի գեղարվեստական ղեկավար

Վահան Բադալյան

«Դիլիջանի ներառական թատրոն» ծրագրի ղեկավար

Սոնա Բուդաղյան

«Դիլիջանի արխիվ» ծրագրի համակարգող եւ խմբագիր

Նունե Զաքարյան

«Դիլիջանի արխիվ» ծրագրի բովանդակության պատասխանատու

Ռիտա Մարտիրոսյան

Հենրիկ Իգիթյանի անվան Գեղագիտության ազգային կենտրոնի նկարչական խմբակի դասավանդող

Արևիկ Թայմիզյան

Անգլերեն լեզվի ուսուցչուհի I Հարավային Կալիֆոռնիայի համալսարանի փորձնակ

Աշոդ Բզդիկյան

Իսպաներեն լեզվի ուսուցիչ I «Դեպի Հայք»-ի կամավոր

Ռուպինա Ալաբաշյան

ՍՄՄ բովանդակության պատասխանատու «Դեպի Հայք»-ի կամավոր