Կամավորական խմբակ

2014 թվականից ի վեր Դիլիջանի համայնքային կենտրոնում գործող Կամավորական խմբակը նպատակ ունի խթանել հասարակական ներգրավվածությունը, ձևավորել կենսունակ, աջակցող համայնք, որտեղ կամավորական աշխատանքը որպես կարևոր ուղղություն նպաստում է փոխօգնության, զարգացման և համայնքի բարօրության ամրապնդմանը՝ խրախուսելով համայնքի անդամներին դառնալ սոցիալապես ակտիվ և պատասխանատու քաղաքացիներ։ 

2014 թվականից մինչ օրս Կենտրոնի երիտասարդ ներուժը ներկայացնող շուրջ 300-320 կամավոր երիտասարդ հնարավորություն են ունեցել իրենց կրթական ուղին շարունակելու միջազգային երկարաժամկետ և կարճաժամկետ ուսումնական ծրագրերում, իսկ 39-ը՝ ուսանել տարբեր մայրցամաքներում գործող միջազգային դպրոցներում կամ աշխարհի լավագույն բուհերում։

Դիլիջանի համայնքային կենտրոնը կանոնավոր կերպով իրականացնում է կամավորական խմբակի մասնակիցների կարողունակությունների զարգացմանն ուղղված մի շարք դասընթացներ և միջոցառումներ.

• Խոսակցական անգլերեն
• Թվային գրագիտություն
• Իրազեկման հանդիպումներ
• Համայնքային միջոցառումներ