Մեր Մասին

Մեր Մասին

Դիլիջանի համայնքային կենտրոնը (ԴՀԿ) ստեղծվել է Դիլիջանի երիտասարդական կենտրոնի հիման վրա, որը հիմնադրվել է 2014թ.-ին՝ բարերարներ Ռուբեն Վարդանյանի և Վերոնիկա Զոնաբենդի կողմից: Երիտասարդական կենտրոնի հիմնադրման նպատակն էր ծառայել որպես հարթակ՝ Դիլիջանի միջազգային դպրոցի (UWCD) ուսանողների և Դիլիջան համայնքի երիտասարդների համագործակցության համար։

Տարիների ընթացքում Երիտասարդական Կենտրոնը, ընդլայնելով իր գործունեության շրջանակը, վերածվեց Համայնքային Կենտրոնի՝ իրականացնելով կրթական և ժամանցային բազմաթիվ ծրագրեր, կարողությունների զարգացման դասընթացներ, մշակութային միջոցառումներ, համայնքային ամենատարբեր նախագծեր՝ համայնքի կողմից՝ համայնքի համար:

2020թ․-ի հունիսին Դիլիջանի համայնքային կենտրոնը ձեռք է բերել հասարակական կազմակերպության կազմակերպակաիրավական կարգավիճակ՝ «Դիլիջանի համայնքային կենտրոն» հասարակական կազմակերպություն (ՀԿ), որի հիմնադիր անդամներն են «Սքոլաե Մունդի Արմենիա» բարեգործական հիմնադրամը, «Հայաստանի Զարգացման Նախաձեռնություններ» բարեգործական հիմնադրամը, Դիլիջանի միջազգային դպրոցը (UWC Dilijan International School)։

2021թ․-ի հունվարին Դիլիջանի համայնքային կենտրոնը դարձավ «Դի-Վի-Վի Ինթերնեյշնալ»-ի մեծահասկաների կրթության 4-րդ կենտրոնը Հայաստանում՝ հայտնելով իր պատրաստակամությունը համագործակցելու մեծահասակների ոչ ֆորմալ կրթության ոլորտում։ Կենտրոնը կիսում է «Դի-Վի-Վի Ինթերնեյշնալ»-ի այն համոզմունքը, որ մեծահասակների ոչ ֆորմալ կրթությունը խթանում է մարդկանց մասնակցությունը մշակութային, սոցիալական և տնտեսական գործընթացներին, ինչպես նաև, կայուն զարգացմանը ու աղքատության նվազեցմանը։

 

Տեսլական

Դիլիջանը գիտելիքահեն, մասնակցային, ներառական համայնք է։

Առաքելություն

Հզորացնել համայնքի ներուժը և խրախուսել ցկյանս ուսուցումը։

Արժեքներ

• Հավասար հնարավորություններ

• Համաչափ զարգացում

• Հանրային ներգրավվածություն

• Ներառականություն

• Հաշվետվողականություն

• Վստահություն

• Կամավորություն

Դիլիջանի համայնքային կենտրոնի գործունեության չորս հիմնական ուղղությունները

Փոփոխությունների վրա հիմնված կրթություն

Փոփոխությունների վրա հիմնված կրթություն

2014թ.-ից Կենտրոնում իրականացվում են փոփոխությունների վրա հիմնված կրթությունը խթանող ամենատարբեր դասընթացներ՝ նախագծային ուսուցման մեթոդով, որը սովորողին հնարավորություն է տալիս զուգահեռաբար զարգացնել մասնագիտական գիտելիքները, ձեռք բերել նոր հմտություններ, փորձ և հնարավորություն՝ կիրառելու դրանք գործնականում։
Կենտրոնը, խրախուսելով ցկյանս ուսումնառությունը, առաջարկում է մասնագիտական զարգացման դասընթացներ, մասնագիտական խորհրդատվության ծրագրեր, կարողությունների զարգացման դասընթացներ, տեղեկատվական հանդիպումներ, վարպետաց դասեր, արհեստագործական դասընթացներ, համայնքային նախաձեռնություններ եւ այլն։

Համայնքային հզորացում

Համայնքային հզորացում

2014 թվականից Դիլիջանի համայնքային կենտրոնում գործող կամավորական շարժումը հանդիսանում է համայնքային հզորացման հիմքը։։

Կենտրոնը շարժման անդամներին տալիս է բազում հնարավորություններ՝ բացահայտելու սեփական կարողություններն ու հետաքրքրությունները, մասնակցելու միջազգային կարճաժամկետ և երկարաժամկետ կրթական ծրագրերի, ձեռք բերելու փորձառություն տարբեր բնագավառներում և իրենց ներդրումն ունենալու սեփական համայնքի զարգացման գործում։

Մշակույթ

Մշակույթ

2014թ.-ից Դիլիջան համայնքի երեխաներն ու պատանիները հնարավորություն ունեն ստանալու գեղագիտական դաստիարակություն և ձևավորելու ճաշակ՝ արվեստի մի շարք ճյուղերի միջոցով՝ երգչախմբային արվեստ, թատերարվեստ, պարարվեստ, գեղանկարչություն։

Սպորտ

Սպորտ

Դիլիջանի համայնքային կենտրոնը խրախուսում է առողջ ապրելակերպը համայնքի բնակիչների շրջանում։ Համագործակցելով Դիլիջանի միջազգային դպրոցի հետ(UWCD), Կենտրոնը համայնքի բնակիչներին առաջարկում է սպորտային մի շարք ակումբներ (լող, ֆուտբոլ, բասկետբոլ,վալեյբոլ,մեծ թենիս)։

Միեւնույն ժամանակ Կենտրոնում իրականցվում են առողջ ապրելակերպը խթանող կրթական եւ ժամանցային ծրագրեր։

Մեր Թիմը

Արմինե Հովհաննիսյան

ՀԿ Նախագահ

Զեփյուռ Սիրադեղյան

Ծրագրերի ղեկավար

Հասմիկ Սողոմոնյան

Արվեստի և Արհեստի հարթակի ղեկավար

Գայանե Խաչատրյան

Ծրագրերի համակարգող

Ստելլա Մկրտչյան

Ծրագրի համակարգող/ «Հայաստանի Մեծահասակների կրթության կենտրոնների համակարգային զարգացում»-

Սոնա Բուդաղյան

«Դիլիջանի արխիվ» ծրագրի I խմբագիր և համակարգող

Արմինե Գիշյան

Ադմինիստրատիվ օգնական

Երվանդ Տիտանյան

Տեխնիկական աշխատակից

Դասընթացավարներ և կամավորներ

Արթուր Գրիգորյան

«Նազանի» պարարվեստի դպրոցի գեղարվեստական ղեկավար

Մարգարիտա Գիշյան

«Լուսե» բենդի խմբավար

Քրիստինե Դանիելյան

Թատերական խմբակի գեղարվեստական ղեկավար

Ռիտա Մարտիրոսյան

Արվեստի ուսուցիչ I Հենրիկ Իգիթյանի անվան գեղագիտության ազգային կենտրոն

Նունե Զաքարյան

Ռուսերենի դասընթացավար

Կապ մեզ հետ

* –Ով նշված դաշտերը պարտադիր են

Շնորհակալություն մեզ հետ կապվելու համար: Մենք շուտով կապ կհսատատենք Ձեզ հետ: