UWCD համատեղ ծրագրեր

2014 թվականից ի վեր Դիլիջանի համայնքային կենտրոնը համագործակցում է UWC Դիլիջանի միջազգային դպրոցի հետ՝ ծառայելով որպես հարթակ օտարերկրյա ուսանողների և տեղացիների համար համայնքի զարգացմանն ուղղված համատեղ նախագծեր իրականացնելու նպատակով։ 

Համագործակցության առաքելությունն է կրթական և ժամանցային հնարավորությունների միջոցով ստեղծել կայուն կապեր, ընդլայնել կրթական հորիզոնները երիտասարդների շրջանում, ինչպես նաև ձևավորել փոխադարձ վստահության և փոխգործակցության միջավայր, որտեղ նրանք կարող են սովորել, սովորեցնել, երազել, ստեղծագործել և ակտիվ մասնակցություն ունենալ իրենց համայնքի զարգացման գործընթացում։

Համատեղ իրականացվող կրթական, ժամանցային, սոցիալական, մշակութային նախագծերի շարքում են՝ 

• Անգլերենի դասընթաց՝ 7-9 տարեկան և 11-14 տարեկան երեխաների համար,
• Չինարենի դասընթաց՝ 12-16 տարեկան երեխաների համար,
• Կավագործությանդ դասընթաց՝ 12-14 տարեկան երեխաների համար,
• Լողի դասընթաց՝ 9-11 տարեկան երեխաների համար,
• Գիտելիքի ակումբ՝ նախատեսված կենսաբանություն և քիմիա առարկաների լաբորատոր ուսումնասիրության համար: