2019 թվականից ի վեր Դիլիջանի համայնքային կենտրոնն իրականացում է «Դիլիջանի արխիվ» նախագիծը, որի նպատակն է վերածնունդ տալ և պահպանել Դիլիջանի պատմամշակութային ժառանգությունը՝ համայնքի բնակիչների մասնակցությամբ ստեղծելով արխիվային եռալեզու բովանդակություն, թվայնացնելով և հանրայնացնելով այն։
«Դիլիջանի արխիվ» նախագծի շրջանակում հավաքագրված պատմություններն ունեն բովանդակային հետևյալ ուղղությունները՝
- Դիլիջանի մարդիկ
- Դիլիջանի վայրերը
- Դիլիջանի խոհանոցը
- Լուսանկարների պատմություն
- Պանելային քննարկումներ
2024 թվականին լույս է տեսել «Դիլիջանը 19-20-րդ դարերում» գրքի հայերեն տարբերակը, որը լուսաբանում է քաղաքի կրթական, մշակութային, առողջապահական, քաղաքաշինական ոլորտները և հասարակական կյանքը։ 2026 թվականին նախատեսվում է գրքի ռուսերեն և անգլերեն տարբերակների տպագրությունը:
2022 թվականին լույս է տեսել «Դիլիջանի համն ու հոտը» խոհանոցային եռալեզու գրքույկը, որտեղ տեղ են գտել են դիլիջանյան խոհանոցը ներկայացնող մի շարք ուտեստների բաղադրատոմսեր: Գրքույկի հետազոտական ծրագրում ներգրավվել է Դիլիջան համայնքի շուրջ 40 բնակիչ։
2021 թվականից մինչ օրս ծրագրի շրջանակներում շարունակվում են իրականացվել հարցազրույցներ անվանի դիլիջանցիների և քաղաքի բարեկամների հետ, ովքեր կիսվում են Դիլիջանի մասին իրենց հիշողություններով և վստահում մեզ իրենց անձնական պատմությունները:
2019 թ.-ից մինչև 2025 թ.-ի դեկտեմբերը իրականացվել են՝
- «Դիլիջանը 19-20-րդ դարերում» գրքի տպագրություն (հայ., 2024 թ., Երևան)
- «Դիլիջանի համն ու հոտը» խոհանոցային գրքույկի տպագրություն (հայ., անգլ., ռուս., 2022 թ., Երևան)
- 32 հարցազրույց վաստակաշատ դիլիջանցիների հետ
- 7 քննարկում համայնքի տարբեր խնդիրների վերաբերյալ
- 62 լուսանկարների պատմություն՝ նվիրված 1800-1900-ականների Դիլիջանին