Տաթևի համայնքային կենտրոն
2023 թվականին ԴՀԿ-ը, համագործակցելով ՀՀ Սյունիքի մարզի Տաթևի համայնքապետարանի հետ, հիմնել է իր երկրորդ մասնաճյուղը Սյունիքի մարզի Տաթև համայնքի Հալիձոր գյուղական բնակավայրում։ Տաթևի համայնքային կենտրոնը հիմնվել և գործում է «Ռուբեն Վարդանյան» հիմնադրամի աջակցությամբ։
2023 թվականից մինչ օրս կենտրոնում իրականացվում են հետևյալ հիմնական ծրագրերը՝
- Անգլերեն
- Ռուսերեն
- Գեղանկարչություն – իրականացվում է Հենրիկ Իգիթյանի անվան Գեղագիտության ազգային կենտրոնի հետ համագործակցությամբ:
- Կամավորական խմբակ
- Համակարգչային գրագիտություն:
Տաթևի համայնքային կենտրոնում գործող կամավորական խմբակը միավորում է շուրջ 30 երիտասարդի համայնքի տարբեր բնակավայրերից (Հալիձոր, Խոտ, Շինուհայր): Կամավորները պարբերաբար հանդես են գալիս մի շարք նախաձեռնություններով, ինչպիսիք են՝ շախմատի, ազգային պարի, ֆինանսական գրագիտության, մեդիագրագիտության և այլ դասընթացներ՝ ուղղված երիտասարդների և համայնքի անդամների կարողությունների զարգացմանը։
Կենտրոնը համագործակցում է մի շարք տեղական կազմակերպությունների հետ.
- Տաթևի համայնքապետարան
- «Մենք ենք մեր սարերը» զարգացման գործակալություն ՀԿ
- Գորիսի պետական համալսարան
- «Ա. Դ. մարդու իրավունքների պաշտպանության հայկական կենտրոն» ՀԿ-ի Սյունիքի տարածաշրջանային մասնաճյուղ
- «Նեքսուս» արվեստի կենտրոն:
«Մենք ենք մեր սարերը» զարգացման գործակալություն ՀԿ-ի հետ համագործակցության շրջանակում իրականացվել է «Թևեր բոլորին» ծրագիրը՝ ուղղված ԼՂ բռնի տեղահանված անձանց և տեղացիների ձեռնարկատիրական մտածողության, կարողունակությունների զարգացմանն ու բարելավմանը։
2023 թվականից մինչև 2026 թվականի հունվարի 1-ը Տաթևի համայնքային կենտրոնում իրականացվել է 79 ծրագիր և համայնքային միջոցառում, որոնց մասնակցել է 2779 շահառու։
